Sekta ya kilimo ndiyo uti wa mgongo wa uchumi—lakini mabadiliko ya tabianchi yameendelea kutishia uzalishaji na maisha ya wakulima wetu. 🌍

Kupitia ushirikiano wa MUCE, TARI, Enviroenergies na WiN-TZ, watafiti wamezindua rasmi mradi wa ECSA-SATZ, unaolenga kuwawezesha wakulima wadogowadogo wa Manyoni (Singida) na Bahi (Dodoma) kukabiliana na athari za tabianchi kupitia kilimo himilivu.

Mradi huu wa miaka mitatu (2025–2028), unaofadhiliwa na COSTECH, utatoa:
✅ Mafunzo ya mbinu za kilimo himilivu
✅ Utafiti wa mbegu bora za alizeti na ngano zinazofaa ukame
✅ Ujenzi wa uwezo kwa watafiti chipukizi
✅ Uwekezaji katika shughuli mbadala kama ufugaji nyuki 🍯

Dkt. Helena Myeya, Mratibu Mkuu wa Mradi, anasisitiza kuwa mradi huu ni hatua kubwa ya kuongeza tija, kipato na ustahimilivu kwa wakulima wetu wanaokabiliwa zaidi na athari za tabianchi.

✨ Lengo kuu: Kuwawezesha wakulima—kuanzia ngazi ya kaya hadi Taifa—kulima kwa tija, kisayansi na kwa kuzingatia mabadiliko ya tabianchi.